Пра гэта чытачам паведаміла сама рэдакцыя слуцкага незалежнага выдання.
«Дарагія чытачы, мы працягваем працаваць для вас. Дзякуй, што вы з намі! У чацвер, 16 сакавіка, так шмат людзей пісалі на старонкі «Кур'ера» ў сацсетках, пыталіся, дзе можна купіць свежы нумар! Гэта вар'яцка прыемна, дзякуй вам. Сёння, 17 сакавіка, газеты ўжо можна набыць у кіёсках «Белсаюздруку», — звярнулася да чытачоў рэдакцыя.
Нагадаем, 15 сакавіка сілавікі правялі ператрус у рэдакцыі «Інфа-Кур’ера», забралі ўсю асноўную тэхніку, а з прысутных узялі падпіску аб неразгалошванні. На наступны дзень наклад газеты адмаўляліся прымаць крамы «Белсаюздруку». Галоўны рэдактар і ўладальнік газеты Сяргей Станкевіч, а таксама яго намеснік Алег Рубчэня былі змешчаныя ў мясцовы ІЧУ.
Чытайце яшчэ:
«Без нацыянальнага прымірэння нам не захаваць незалежнасці Беларусі». Адкрыты ліст Іосіфа Сярэдзіча
Бывшая команда TUT.by прокомментировала фильм БТ
Пракурор запатрабаваў тры гады зняволення для журналіста Генадзя Мажэйкі