491

Фільм беларускага журналіста і рэжысёра Міхаіла Аршынскага стаў пераможцам конкурсу Hinzpeter Awards

01.09.2021 Крыніца: Прэс-служба ГА "Беларуская асацыяцыя журналістаў"

Конкурс заснаваны Карэйскай асацыяцыяй відэажурналістаў для таго, каб падтрымліваць смелую і праўдзівую журналістыку ва ўсім свеце. Hinzpeter Awards накіраваны на прызнанне і падтрымку журналістаў, якія паказваюць праўду пра барацьбу за правы чалавека ў розных краінах свету.

1 верасня журы конкурсу абвясціла, што сябра Беларускай асацыяцыі журналістаў стаў пераможцам галоўнага прызу «Свет на раздарожжы» за фільм «Не бойся».

У фільме паказаныя лёсы людзей, якія адгукнуліся на заклік блогера Сяргея Ціханоўскага і ўзялі ўдзел у прэзідэнцкай кампаніі 2020 года. Падзеі паказаны праз прызму назіранняў Міхаіла Аршынскага, які стаўся сведкам неймавернага палітычнага супрацьстаяння 2020 года.

З камераю ў руках ён асабіста прасачыў за кожным этапам кампаніі і здымаў, як улады перашкаджалі збіраць подпісы і перадаваць іх у выбаркамы, як аб'ядналіся штабы альтэрнатыўных кандыдатаў і разам з імі ездзіў па рэгіёнах Беларусі.

На жаль, мы не можам размясціць спасылку на фільм тут, бо беларускія ўлады прызналі тэлеканал "Белсат" экстрэмісцкім. Але фільм лёгка гугліцца ў Youtube — "Як Ціханоўскія змянілі Беларусь". 

Самыя важныя навіны і матэрыялы ў нашым Тэлеграм-канале — падпісвайцеся!