2622

Экспертыза не знайшла экстрэмізму ў аглядзе праваабаронцаў

18.12.2015 Крыніца: Прэс-служба ГА "Беларуская асацыяцыя журналістаў" Сюжэт: Барацьба з экстрэмізмам

Экспертная камісія вырашыла, што ў Аглядзе-хроніцы «Сітуацыя з правамі чалавека ў Беларусі ў 2014 годзе» няма «звестак, што ўтрымліваюць прыкметы экстрэмізму».

Пра гэта паведамляецца ў лісце намесніка начальніка Ашмянскай мытні па праваахоўнай працы Дзмітрыя Сцепаненкі праваабаронцу са Смаргоні Аляксандру Дзергачову.

Як вынікае з паслання, экспертнае заключэнне было зроблена 14 верасня. Цяпер мытня прапануе сп-ру Дзергачову забраць кнігі ў Ашмянах.

Дакумент апублікаваў сайт spring96.org.

Нагадаем: 13 сакавіка на літоўска-беларускім памежным пераходзе Каменны Лог мытнікі затрымалі Агляд-хроніку «Сітуацыя з правамі чалавека ў Беларусі ў 2014 годзе» і яго англамоўны варыянт «Situation of Human Right in Belarus in 2014» – усяго 47 асобнікаў. Кнігі Аляксандр Дзергачоў перавозіў на сваім асабістым аўтамабілі.

Агляд выдае закрыты ўладамі праваабарончы цэнтр “Вясна”.

Што стала з забранай на мяжы цягам года друкаванай прадукцыяй?

Самыя важныя навіны і матэрыялы ў нашым Тэлеграм-канале — падпісвайцеся!