386

#Давайпака выйшлі кнігай. Спампаваць тут, прэзэнтацыя — у Менску!

23.10.2019 Крыніца: "Радыё Свабода"

У сэрыі «Бібліятэка Свабоды» выйшла кніга журналіста Алеся Пілецкага «Казкі па целефоне», якая стала вынікам ягонага аўтарскага праекту ў фэйсбуку #давайпака.

«Казкі па целефоне» — калекцыя выбраных дыялёгаў паміж паўмітычнымі пэрсанажамі палітычнага жыцьця Беларусі і замежжа, якія ў жанры гіпэррэалізму «ад агульнай млявасьці і асабістага суму» ў 2015 годзе пачаў пісаць у Фэйсбуку журналіст Алесь Пілецкі.

За тры гады выйшла амаль тры сотні дыялёгаў, кожны зь якіх зьбіраў сотні і тысячы лайкаў і рэпостаў у Фэйсбуку. У 2019 годзе #давайпака выходзілі на svaboda.org.

«Гэтая кніга мяняе страх на сьмех, а сьмех мяняе ўсё: тайна аказваецца пшыкам, улада — цыркам, цар — блазнам. Пагроза не зьнікае, зьнікае здранцьвеньне, якое ёсьць першым і галоўным прадуктам страху, — напісаў у прадмове да кнігі Бібліятэкар Свабоды Аляксандар Лукашук. — Гэтая кніга чытаецца як „Энеіда“ эпохі Фэйсбуку, і не зусім навыварат. Гэта наш час навыварат».

Прачытаць кнігу можна бясплатна і ўжо цяпер

Спампаваць у PDF >>>

Прэзэнтацыя ў Менску

5 лістапада ў Менску адбудзецца прэзэнтацыя «Казак па целефоне» і аўтограф-сэсія Алеся Пілецкага.

Месца сустрэчы: кафэ «Грай» (Інтэрнацыянальная, 33).

Час: 19.00.