1328

Бюджэт'2017: на дзяржСМІ выдзяляюць больш за 47 мільёнаў еўра

26.10.2016 Крыніца: Прэс-служба ГА "Беларуская асацыяцыя журналістаў"

Гэта на 3 млн еўра больш, чым сёлета. У 2016 годзе ў дзяржбюджэце выдаткі на СМІ акрэсленыя ў памеры 44 млн еўра ў эквіваленце.

Такім чынам у наступным годзе з дзяржаўнага бюджэту Беларусі будзе зрасходавана:

- на тэлебачанне і радыёвяшчанне — 39 млн еўра;

- на перыядычны друк і выдавецтвы  — 3.4 млн еўра ;

- на  “іншыя пытанні ў галіне сродкаў масавай інфармацыі” — 4,9 млн еўра.

Закон Рэспублiкi Беларусь "Аб рэспубліканскім бюджэце на 2017 год" прыняты Палатай прадстаўнікоў і ўхвалены Саветам Рэспублікі. Дакумент апублікаваны на Нацыянальным прававым партале. Азнаёміцца з дакументам можна тут.