307

БАЖ просіць ЦВК патлумачыць, чаму ў прэс-цэнтр будуць пускаць толькі “цэнтральныя” СМІ

26.09.2019 Крыніца: Прэс-служба ГА "Беларуская асацыяцыя журналістаў"

У аўторак старшыня ЦВК Лідзія Ярмошына выступіла за тое, каб доступ у прэс-цэнтр парламенцкіх выбараў мелі толькі супрацоўнікі акрэдытаваных пры МЗС і “цэнтральных” СМІ.

Гэтыя словы знайшлі адлюстраванне і ў пастанове аб стварэнні Інфармацыйнага цэнтра ЦВК. Там значыцца, што для ўдзелу ў працы цэнтра “запрашаюцца прадстаўнікі нацыянальных сродкаў масавай інфармацыі, у першую чаргу, цэнтральных”.

Заканадаўства Беларусі ніяк не дзеліць СМІ на “цэнтральныя” і “не цэнтральныя”.

У сувязі з гэты, Беларуская асацыяцыя журналістаў звярнулася ў ЦВК з просьбай патлумачыць, якія медыя маюцца на ўвазе пад “цэнтральнымі” і на якой падставе ўводзяцца абмежаванні для іншых СМІ. Адпаведны зварот быў накіраваны ў ЦВК.

ПАСТАНОВА ЦВК