275

Арлоў, расейскі пасол і Пілецкі. Як у Менску прэзэнтавалі «Казкі па целефоне» ФОТЫ

06.11.2019 Крыніца: Уладзь Грыдзін, Радыё Свабода

Алесь Пілецкі ад 2015 году публікаваў гэтыя ўяўныя тэлефонныя размовы на сваёй старонцы ў «Фэйсбуку» з тэгам #давайпака. Паслухаць аўтара сабралося больш сотні людзей, сярод якіх былі пісьменьнік Уладзімер Арлоў і расейскі пасол, які апынуўся ў залі выпадкова.

Алесь Пілецкі падпісвае кнігі сваім чытачкам

Кніга складаецца з выбраных дыялёгаў паміж паўмітычнымі пэрсанажамі палітычнага жыцьця Беларусі і замежжа. Алесь Пілецкі ад 2015 году публікаваў гэтыя ўяўныя тэлефонныя размовы на сваёй старонцы ў «Фэйсбуку» з тэгам #давайпака.

За тры гады выйшла амаль тры сотні дыялёгаў, кожны зь якіх зьбіраў сотні і тысячы лайкаў і рэпостаў у Фэйсбуку. У 2019 годзе #давайпака выходзілі на svaboda.org.

«Гэтая кніга мяняе страх на сьмех, а сьмех мяняе ўсё: тайна аказваецца пшыкам, улада — цыркам, цар — блазнам. Пагроза не зьнікае, зьнікае здранцьвеньне, якое ёсьць першым і галоўным прадуктам страху, — напісаў у прадмове да кнігі бібліятэкар Свабоды Аляксандар Лукашук. — Гэтая кніга чытаецца як „Энэіда“ эпохі „Фэйсбуку“, і не зусім навыварат. Гэта наш час навыварат».

Спампаваць у наступных фарматах:

PDF

EPUB

MOBI

AZK

 

Вядучы імпрэзы актор Аляксей Сапрыкін і аўтар Алесь Пілецкі чытаюць дыялёг з кнігі.

Паслухаць і пабачыць Алеся Пілецкага сабралося больш за сотню аматараў яго прыдуманых дыялёгаў.

Алесь Пілецкі

Аляксей Сапрыкін з акторкай Марыяй Бяльковіч

«Бібліятэкар Свабоды» і дырэктар Беларускай службы Радыё Свабода Аляксандар Лукашук.

Алесь Пілецкі і пасол Расеі ў Менску Дзьмітрый Мезянцаў. Дыплямат, па яго словах, апынуўся там выпадкова, але падчас прэзэнтацыі ён быў непадалёк. Праўда асобніка кнігі Пілецкага паслу не хапіла.

Чытачы Алеся Пілецкага