298

Аператара канала «Белсат» Дзмітрыя Солтана збілі дубінкаю ў ізалятары

24.02.2021 Крыніца: "Белсат"

Пасля 15 дзён адміністратыўнага арышту выйшаў на волю журналіст Дзмітрый Солтан. 23 лютага яго вызвалілі з Жодзінскага ІЧУ.

Дзмітрыя Солтана затрымалі разам з журналісткай «Белсату» Любоўю Лунёвай 8 лютага. Журналісты працавалі каля філармоніі ў Менску. Сілавікі даставілі белсатаўцаў ва УУС Савецкага раёну, пасля на Акрэсціна. 10 лютага суд Савецкага раёну (суддзя Фёдарава) пакараў Дзмітрыя Солтана 15 соднямі арышту паводле арт. 17.1 («Дробнае хуліганства»). Любоў Лунёва атрымала 10 содняў арышту паводле арт. 17.1 («Дробнае хуліганства»). Нашых калегаў этапавалі ў Жодзіна.

 

Пасля вызвалення Дзмітрый Солтан распавёў пра катаванні і збіццё сілавікамі. Калі ён адказваў на пытанні міліцыянтаў, тыя білі яго дубінкай у жывот, засталіся сінякі.

Самыя важныя навіны і матэрыялы ў нашым Тэлеграм-канале — падпісвайцеся!