178

АНТ запускае рубрыку, у якой будзе абвяргаць фэйкі

23.09.2019 Крыніца: "Наша Ніва"

У новым сезоне праграмы «Контуры» канал АНТ вырашыў абвясціць вайну фэйкам. І ўжо ў наступных праграмах адкрыецца новы праект у рамках галоўнай выніковай праграмы тэлеканала. Праграму так і назвалі «Антыфэйк».

У якасці аднаго з прыкладаў фэйкаў тэлеканал назваў публікацыю расійскай газеты «Коммерсант» пра беларуска-расійскую інтэграцыю.

«Мы выкарысталі свой шанец, які падарыў нам сам лёс. І нікому рабіць замах на наш суверэнітэт не дамо. Хацелася б, каб гэта пачулі тыя, хто спрабуе намацаць гэты пралом. Супакойцеся. У нашым успрыманні ўласнага суверэнітэту няма ніякай слабіны», — паведамілі ў эфіры тэлеканала.