1033

Алег Агееў: Самае страшнае, калі ў журналіста ўзнікае неабходнасць самацэнзуры

06.03.2017

Міжрэгіянальны семінар “Асновы прававога рэгулявання дзейнасці журналістаў” прайшоў у Лунінцы.

Да сябраў Лунінецкай філіі ГА “БАЖ” далучыліся калегі з Пінска і Століна. Пад кіраўніцтвам Алега Агеева ў тандэме з юрыстам з Брэста Ірынай Кармазінай журналісты абмеркавалі надзённыя праблемы, звязаныя са свабодай слова і правам на інфармацыю.

Падчас практычных заняткаў удзельнікі семінара разабралі прыклады працы журналістаў вядомых СМІ Беларусі і краін Еўропы.

— Патрэбы бяспекі звязаныя з нашымі грамадзянскімі правамі і, у першую чаргу, правам журналіста на інфармацыю, — гаворыць старшыня Лунінецкай філіі ГА “БАЖ” Алена Насковіч. Яна выказвае ўдзячнасць трэнеру, які не першы раз праводзіць адукацыйныя мерапрыемствы для журналістаў рэгіёна.

— Самае страшнае, калі ў журналіста ўзнікае неабходнасць самацэнзуры, калі ён перастае быць вартавым дэмакратыі, — падкрэсліў Алег Агееў і пажадаў удзельнікам семінару не замоўчваць недахопы прававой сістэмы, а выносіць іх нават на міжнародны ўзровень.

Самыя важныя навіны і матэрыялы ў нашым Тэлеграм-канале — падпісвайцеся!