НЕ - ВАЙНЕ!
1366

Адкрываецца выстава пераможцаў конкурсу ПРАФОТА-2015

03.02.2016 Крыніца: Даслана арганізатарамі

Адкрыццё выставы пераможцаў конкурсу праектнай фатаграфіі ПРАФОТА-2015 адбудзецца 4-га лютага а 19 гадзіне ў прасторы ЦЭХ (Кастрычніцкая, 16 (ст.м.Першамайская), 2-гі паверх, уваход праз бар Хуліган).

Конкурс ПРАФОТА праводзіцца другі раз у межах Месяца фатаграфіі ў Мінску. Сёлета аргкамітэт атрымаў 79 праектаў ад 53 аўтараў беларускіх аўтараў. У склад журы ўвайшлі куратарка і фотарэдактарка Ганна Шпакава (старшыня журы), культуролаг Святлана Паляшчук, фатограф Кен Шлес (Ken Schles), фатограф Сайман Норфалк (Simon Norfolk), фотарэдактар і куратар Джэймз Ўэлфард (James Wellford), фатограф Джордж Джорджыў (George Georgiou), фотарэдактарка Барбара Штаўс (Barbara Stauss).

На выставе будзе прадстаўлена 11 праектаў фіналістаў.

 

Дакументальныя праекты:

Аляксандр Васюковіч, Дар'я Царык, «Кожная трэцяя» *Гран-пры

Уладзь Грыдзін, «Наташа»

Сяргей Гудзілін, «Па краі»

Сяргей Лескець, «Агра»

Аляксандра Салдатава, «Сведка»

Максім Сарычаў, «Галасы студэнтаў»

 

Арт-праекты:

Аляксандр Веледзімовіч, «Эдэмскі сад»

Сяргей Канаплянік, «Пралог»

Аляксей Навумчык, Y Minsk

Алена Пратасевіч, «#ідэальнае цела»

Максім Сарычаў, «Прывітанне, зброя!» *Гран-пры

 

Выстава будзе працаваць да 20-га сакавіка штодня, ад 12.00 да 22.00.

Уваход 40 000.

Самыя важныя навіны і матэрыялы ў нашым Тэлеграм-канале — падпісвайцеся!