Сэрца спадара Кастуся спынілася ў кастрычніку 2021 года ў выніку абвастрэння хранічнай хваробы на фоне каранавірусу.
Канстанцін Севярынец нарадзіўся на Гомельшчыне, але большая частка ягонага прафесійнага і творчага жыцця звязаная з віцебскім рэгіёнам.
Настаўнік-філолаг паводле адукацыі, з 1979 года ён працаваў у журналістыцы: быў карэспандэнтам БелТА — ТАСС па Віцебскай вобласці, рэдактарам на Беларускім радыё, спецыяльным карэспандэнтам «Радыё-2», пісаў для рэспубліканскіх газет «Советская Белоруссия», «7 дней», працаваў у раёнцы «Ленінскі прызыў» (Орша), шматтыражцы прадпрыемства «Красный Октябрь» (Барань), у віцебскай абласной газеце «Народнае слова», часопісе «Служба спасения 01», «Детективной газете».
Але на старонках розных выданняў публікаваліся не толькі ягоныя артыкулы. Вострая публіцыстыка была не адзіным «каньком» Канстанціна Севярынца: не менш ярка ён праявіў сябе як лірычны паэт.
Яго літаратурныя творы пачалі публікавацца на старонках газет «Знамя юности» і «Сельская газета», у часопісах «Нёман», «Беларусь», «FloriДа», альманаху «Па камянях як па зорах», штогодніку «Далягляды», кнізе-даследаванні «З глыбінь жыватворных».
У 1990 годзе сумесна з Мікалаем Ляснічым спадар Севярынец выдаў першую кнігу «З глыбінь жыватворных». Пазней у яго выйшлі яшчэ чатыры кнігі, у тым ліку зборнік дзіцячых вершаў. Шмат якія з ягоных вершаваных твораў сталі песнямі — вынік супрацы з музыкам і кампазітарам Міколам Яцковым. Шмат паэтычных твораў замежных аўтараў набылі гучанне па-беларуску дзякуючы перакладчыцкай працы Канстанціна Севярынца.
Але на старонках розных выданняў публікаваліся не толькі ягоныя артыкулы. Вострая публіцыстыка была не адзіным «каньком» Канстанціна Севярынца: не менш ярка ён праявіў сябе як лірычны паэт.
Яго літаратурныя творы пачалі публікавацца на старонках газет «Знамя юности» і «Сельская газета», у часопісах «Нёман», «Беларусь», «FloriДа», альманаху «Па камянях як па зорах», штогодніку «Далягляды», кнізе-даследаванні «З глыбінь жыватворных».
У 1990 годзе сумесна з Мікалаем Ляснічым спадар Севярынец выдаў першую кнігу «З глыбінь жыватворных». Пазней у яго выйшлі яшчэ чатыры кнігі, у тым ліку зборнік дзіцячых вершаў. Шмат якія з ягоных вершаваных твораў сталі песнямі — вынік супрацы з музыкам і кампазітарам Міколам Яцковым. Шмат паэтычных твораў замежных аўтараў набылі гучанне па-беларуску дзякуючы перакладчыцкай працы Канстанціна Севярынца.
Ён пакінуў сучаснікам не толькі творчую спадчыну і добрую памяць. Працяг творчасці Канстанціна Севярынца — у ягоных дзецях. Літаратурны талент перадаўся і Паўлу Севярынцу, вядомаму палітыку, а цяпер палітвязню, і Ганне Севярынец — настаўніцы, літаратуразнаўцы, пісьменніцы.
Самы першы досвед у літаратуры і публіцыстыцы яны атрымалі дома, калі выпускалі хатнюю газету “Пятачок”. Маці, Таццяна Севярынец, дагэтуль захоўвае ўсе нумары гэтага дзіцячага “самвыдату”. А Ганна Севярынец рыхтуе да друку чарговую бацькаву кнігу.
Чытайце яшчэ:
Экс-ведущие радио Unistar запускают собственное шоу — на YouTube и из Варшавы
Злом стандартаў: мінская пракуратура змагаецца з экстрэмісцкім “рускім мірам”
«Вы — неверагодныя людзі». Дар'я Чульцова падзякавала ўсім за падтрымку