Публічны інструмент SimilarWeb адлюстроўвае трафік сайтаў. Адразу зазначым, што інструмент не дае на 100 % дакладныя лічбы. Яны часам адрозніваюцца ад паказчыкаў Google Analytics, «Яндекс Метрика» або даследаванняў gemiusAudience, але паказваюць тэндэцыі наведвальнасці.
Асноўнае адрозненне SimilarWeb заключаецца ў крыніцах дадзеных, сярод якіх няма закладак на сайтах, але ёсць закладкі ў браўзерах і мабільных прыладах карыстальнікаў (калі карыстальнікі не забаранілі ім збіраць такую інфармацыю). Дадзеныя SimilarWeb будуць больш дакладнымі для сайтаў з вялікім трафікам і значна менш дакладнымі для не надта папулярных рэсурсаў.
TUT.BY: SimilarWeb паказвае колькасць наведванняў рэсурсу за мінулы месяц у 32 мільёны. Сярэдні час, праведзены чытачом на сайце — 5 хвілін 41 секунда. Колькасць прагледжаных старонак за візіт — 4,11.
