3717

Андрэй Бастунец: Распаўсюднікаў СМІ фактычна прымушаюць адсочваць кантэнт медыя

18.05.2015 Крыніца: Прэс-служба ГА "Беларуская асацыяцыя журналістаў" Сюжэт: Распаўсюд СМІ

Старшыня ГА “БАЖ”, юрыст Андрэй Бастунец прааналізаваў пастанову Мінінфармацыі «Аб некаторых пытаннях дзяржаўнага рэгулявання дзейнасці распаўсюднікаў друкаваных, тэлевізійных і радыёвяшчальных СМІ», а таксама падрыхтаваў шэраг рэкамендацый рэдакцыям.

У дакуменце ідзе гаворка пра стварэнне дзяржаўных рэестраў распаўсюднікаў прадукцыі друкаваных, тэлевізійных і радыёвяшчальных СМІ. Паводле пастановы, усе, хто займаецца распаўсюдам СМІ, павінныя да 1 ліпеня даслаць у Мінінфарм звесткі пра сябе. А распаўсюд без уключэння ў рэестр будзе лічыцца незаконным.

Прававы акт, мэтай якога заяўлены “ўлік распаўсюднікаў і ацэнка іх дзейнасці”, насамрэч накіраваны на ўзмацненне дзяржаўнага кантролю за сферай абарачэння інфармацыі, – лічыць Андрэй Бастунец.

У дакумента ёсць пэўныя станоўчыя бакі, кажа юрыст. Напрыклад, тое, што патрабаванне абавязковай рэгістрацыі ў якасці распаўсюдніка СМІ не тычыцца юрыдычных асобаў, якія выконваюць функцыі рэдакцый і распаўсюджваюць уласныя СМІ. Добра, што распаўсюднікам не трэба плаціць пошліну за ўключэнне ў рэестр і што да 1 ліпеня заяўку можна накіраваць у “паведамляльным” парадку.

Але негатыўных момантаў юрыст налічыў значна больш.

Па-першае, Паўнамоцтвы Мінінфармацыі пашырыліся: яно можа выносіць распаўсюднікам папярэджанні і выключаць іх з рэестраў. Прычым не толькі за два папярэджанні, але і за аднаразовы распаўсюд “забароненай” інфармацыі. “Такім чынам, распаўсюднікаў прадукцыі СМІ фактычна прымушаюць адсочваць кантэнт медыя. Гэта з’яўляецца ўмяшальніцтвам у прафесійную дзейнасць рэдакцыі СМІ і схаванай формай цэнзуры, што недапушчальна ў адпаведнасці з арт. 33 Канстытуцыі і арт. 7 закона “Аб СМІ””, – адзначае Андрэй Бастунец.  

Рэдакцыям давядзецца пераконваць гандлёвыя прадпрыемствы і ІП, якія распаўсюджваюць іх выданні, звярнуцца ў Мінінфармацыі для ўключэння ў рэестр. Давядзецца таксама перабудаваць працу з грамадзянамі, якія не з’яўляюцца ІП –браць іх на працу ў штат, пераконваць зарэгістраваць ІП і г.д.

Незразумелы статус грамадскіх распаўсюднікаў, якія працуюць на некамерцыйнай аснове. Ёсць пагроза, што іх будуць прыцягваць да адказнасці паводле арт .22.9 КаАП за незаконны распаўсюд СМІ.

Юрыст дае шэраг рэкамендацый рэдакцыям друкаваных СМІ ў гэтай сітуацыі