455 0

Адбыўся допыт Каравянковай у прысутнасці яе адваката

09.08.2018 Крыніца: Прэс-служба ГА "Беларуская асацыяцыя журналістаў"

Сёння адбыўся допыт у Следчым камітэце журналісткі БелаПАН Таццяны Каравянковай.

Допыт Каравянковай адбываўся ў прысутнасці яе адваката.

Нагадаем, што заўтра ў 11.10 сканчваецца тэрмін яе затрымання. І на заўтра ж прызначана наступнае следчае дзеянне, але час не агучаны.

Таццяна Каравянкова атрымала перадачу ў ізалятар і дзякуе ўсім, хто ёй дапамагае. Яна адчувае ў цэлым сябе нармальна — настрой бадзёры. Праўда, скардзілася на падвышаны ціск.

Усе гэтыя дні Таццяна знаходзілася ў ізалятары на Акрэсціна. Аднак ні з кім з фігурантаў "справы БелТА" не перасякалася.

Нагадаем, Таццяну Каравянкову затрымалі 7 жніўня. У першы ж дзень яе дапытвалі ў Следчым камітэце. Допыт адбываўся ў прысутнасці дзяжурнага адваката. Адваката, з якім журналістка мела дамову, тады не пусцілі да яе. Таццяна адмовілася даваць паказанні.

У мінскай кватэры Таццяны Каравянковай і ў доме яе мамы ў Гродненскай вобласці былі ператрусы, забралі тэхніку.

Таццяна Каравянкова, як і іншыя журналісты, затрыманая на 72 гадзіны.

Каментары