Уступленне ў БАЖ

Як стаць сябрам БАЖ?

Стаць сябрам БАЖ можа паўнагадовы грамадзянін РБ, які ажыццяўляе журналісцкую дзейнасць альбо спрыяе яе развіццю ў Беларусі, бярэ ўдзел у рэалізацыі мэтаў і задач БАЖ, прызнае і выконвае Статут і Дэкларацыю прынцыпаў прафесійнай этыкі журналіста

Прыём у арганізацыю ажыццяўляе філія БАЖ альбо, калі на тэрыторыі адміністратыўна-тэрытарыяльнай адзінкі адсутнічае філія, - Праўленне БАЖ.

Для ўступлення ў БАЖ неабходна перадаць кіраўніку філіі альбо ў цэнтральны офіс арганізацыі

(220030, г. Мінск, пл. Свабоды, 17, к.304
тэл. +375 17 2036366, маб. +375 29 1267098)
наступныя дакументы:

запоўненую заяву на ўступленне ў БАЖ (90 Kb, PDF);
пісьмовыя рэкамендацыі ад двух сябраў БАЖ. (Рэкамендацыя пішацца ў адвольнай форме; абавязковыя дата, подпіс і расшыфроўка подпісу таго, хто рэкамендуе);
2 фотаздымкі 3Х4 і запоўненую анкету (калі Вы жадаеце атрымаць пасведчанне БАЖ альбо пасведчанне сябра Міжнароднай федэрацыі журналістаў);

Перавагі сяброўства ў БАЖ:

Вы робіцеся сябрам афіцыйна зарэгістраванай у Міністэрстве юстыцыі РБ журналісцкай арганізацыі, што падвышае Ваш статус пры выкананні прафесійных абавязкаў у розных умовах і сітуацыях. Вы можаце атрымаць пасведчанне з пячаткай, якое пацвярджае Вашу прыналежнасць да журналісцкай супольнасці.
Уступiўшы ў БАЖ, Вы аўтаматычна робіцеся сябрам Міжнароднай федэрацыі журналістаў (IFJ) - уплывовай арганізацыі, асацыяваным сябрам якой БАЖ з'яўляецца з 1997 года. Вы маеце права атрымаць пасведчанне міжнароднага ўзору, якое прызнана афіцыйным дакументам шмат у якіх краінах свету.
Вы атрымліваеце права на бясплатную прававую дапамогу ў выпадку ўзнікнення пытанняў альбо праблем, звязаных з Вашай журналісцкай дзейнасцю - у тым ліку і на прадстаўленне Вашых інтарэсаў у судзе.
Вы атрымліваеце права ўдзельнічаць у адукацыйных праграмах для журналістаў (семінарах, трэнінгах, стажыроўках і г.д.), якія ладзіць БАЖ сумесна з партнёрскімі арганізацыямі як у Беларусі, так і за яе межамі.
Вы можаце разлічваць на аператыўную падтрымку і дапамогу калег у выпадку парушэння Вашых прафесийных правоў альбо ў іншых сітуацыях, якія патрабуюць рэакцыі альбо ўмяшальніцтва з боку шырокай грамадскасці - як у Беларусі, так і за мяжой.