Журналістаў запрашаюць ушанаваць памяць творцаў Незалежнасці
27 ліпеня дэмакратычная грамадскасць краіны адзначыць
У гэты дзень адбудзецца наведванне месцаў пахавання вядомых у Беларусі людзей, якія шмат зрабілі для незалежнасці беларускай дзяржавы, — народнага пісьменніка Васіля Быкава, рэдактара незалежных газет «Свабода» і «Навіны», а таксама часопіса «Кур’ер» Ігара Герменчука, фоталетапісца беларускага адраджэння Уладзіміра Кармілкіна, аднаго з заснавальнікаў сучаснага дэмакратычнага руху Беларусі паэта Артура Вольскага ды іншых.
Арганізатары вандроўкі запрашаюць журналістаў таксама далучыцца да ўшанавання памяці сваіх калег і слыных суайчыннікаў. Збор — у аўторак, 27 ліпеня, у 11.00 па адрасе: Мінск, праспект Машэрава (былая вуліца Варвашэні), 8.
