У рэдакцыі «Борисовских новостей» апісалі канапу і шафу
10 сакавіка судовыя выканаўцы пабывалі ў рэдакцыі недзяржаўнай газеты «Борисовские новости» і апісалі рэдакцыйную канапу, кніжную шафу і кулер для вады.
На працягу 10 дзён рэдакцыя мусіць разлічыцца з рэдактаркай газеты «Адзінства» (заснавальнік — Барысаўскі райвыканкам) Верай Пратасевіч, якая яшчэ ў канцы мінулага года адсудзіла ў «БН» каля 2 мільёнаў.
Падставай для судовага разбору стаў апублікаваны ў красавіку 2009 года артыкул барысаўчаніна, пенсіянера Валерыя Ніцкага «Кодэкс сумлення
«У публікацыі сцвярджалася, што рэдактарка „Адзінства“ Вера Пратасевіч і кіраўніца ідэалагічнага аддзела Барысаўскага райвыканкама Людміла Гарнак наведвалі некаторыя мясцовыя крамы і патрабавалі прыбраць нашу газету з продажу», — распавёў
Вера Пратасевіч палічыла, што газета распаўсюдзіла непраўдзівыя і зневажальныя для яе звесткі, і падала ў суд на рэдакцыю і аўтара. Суд Барысаўскага раёна пад старшынствам Васіля Панкратава ўзяў бок спн. Пратасевіч.
«У рэдакцыі ёсць ліст з мясцовай пракуратуры, які пацвярджае прыведзеныя ў артыкуле факты, — сцвярджае Анатоль Букас. — Тым не менш, яго суд не прыняў да ўвагі. Суддзя запрашаў у якасці сведак прадстаўнікоў адміністрацыі трох крамаў, дзе прадавалася наша газета. А калі тыя не прыйшлі, вырашыў, што апублікаваныя намі звесткі не адпавядаюць рэчаіснасці».
Абласны суд пакінуў рашэнне суда першай інстанцыі ў сіле.
Агулам рэдакцыя і аўтар мусяць выплаціць больш як 2,5 мільёны рублёў. Гэтая сума пойдзе на кампенсацыю маральных стратаў Веры Пратасевіч, аплату праведзенай лінгвістычнай і пакрыццё судовых выдаткаў. На гэты момант рэдакцыя здолела выплаціць 530 тысяч.
