10 сакавіка журналіста будуць судзіць за «самаўпраўства»
Разгляд адміністратыўнай справы ў дачыненні да сябра ГА «БАЖ» Аляксандра Дзянісава адбудзецца ў судзе Ленінскага раёна Гродна 10 сакавіка. Журналіста абвінавачваюць у здзяйсненні правапарушэння, прадугледжанага артыкулам 23.39 КаАП - «Самаўпраўства».
22 лютага старшы лейтэнант міліцыі Пётр Друць склаў у дачыненні да А. Дзянісава пратакол аб адміністрацыйным правапарушэнні. Журналіста абвінавацілі ў тым, што ён браў інтэрв’ю ў намесніцы дырэктара сярэдняй школы № 28 Тэрэсы Шабунька і настаўніка Аляксандра Рабкова, не маючы спецыяльнага права і не з’яўляючыся супрацоўнікам
18 студзеня 2010 года ў Гродзенскай сярэдняй школе № 28 Аляксандр Дзянісаў рыхтаваў сюжэт пра факультатыўнае вывучэнне «Гродназнаўства».
Тады ў клас, дзе праходзіў урок і знаходзілася здымачная група разам з Дзянісавым, уварваліся міліцыянты і абвясцілі, што журналісты падазраюцца ў здзяйсненні злачынстваў. На гэтай падставе іх затрымалі, але праз пэўны час адпусцілі. Папярэдне адміністрацыя школы дала згоду на правядзенне здымкаў. Артыкул 23.39 КаАП РБ «Самаўпраўства» прадугледжвае штраф у памеры ад 2 да 10 базавых велічынь.
На думку Аляксандра Дзянісава, дзеянні міліцыянтаў парушаюць існуючае заканадаўства. «Паводле Канстытуцыі краіны, я маю права збіраць інфармацыю, што фактычна і адбывалася 18 студзеня ў школе № 28. Міліцыянты, на жаль, палічылі інакш. Але, наколькі я разумею, пакуль не міліцыянты вызначаюць, хто можа быць журналістам, а хто — не», — выказаўся сп. Дзянісаў у гутарцы са службай маніторынгу БАЖ.
Цалкам падзяляе меркаванне журналіста намеснік старшыні ГА «БАЖ», юрыст Андрэй Бастунец. «Вельмі паказальна, што самаўпраўствам міліцыя называе дзеянні, гарантаваныя грамадзянам Канстытуцыяй Беларусі, — зазначае ён. — Так, арт. 34 Канстытуцыі гарантуе права на атрыманне, захоўванне і распаўсюд поўнай, дакладнай і своечасовай інфармацыі пра дзейнасць дзяржаўных органаў, грамадскіх аб’яднанняў, пра палітычнае, эканамічнае, культурнае і міжнароднае жыццё. Такім чынам, падрыхтоўка журналісцкіх матэрыялаў не азначае самаўпраўства, паколькі гэта — права кожнага».
Больш за тое, як звяртае ўвагу юрыст, паводле арт.1 п.7 дзейнага Закона «Аб СМІ», журналістам прызнаецца не толькі асоба, якая працуе ў штаце рэдакцыі, але і той, хто рыхтуе матэрыялы на іншых падставах (у рэжыме
