Трэнінг для фотажурналістаў у Стамбуле

Foundry Photojournalism Workshop мае адбыцца з 20 па 26 чэрвеня ў Стамбуле (Турцыя). Трэнінг платны, але ёсць магчымасць атрымаць стыпендыю, якая пакрые кошт навучання.

Падчас трэнінгу фотарэпарцёры-прафесіяналы з агенцтва Getty Images і такіх выданняў, як The New York Times, The Financial Times, TIME, Le Monde абмяркуюць з навучэнцамі самыя розныя тэмы, якія тычацца сучаснай фатаграфіі. Кошт удзелу ў трэнінгу — 975 долараў ЗША.

Аднак арганізатары мерапрыемства прапануюць ахвотным звярнуцца з заяўкай на атрыманне стыпендыі, якая пакрые кошт навучання. Пра ўмовы яе атрымання можна даведацца на сайце трэнінгу.

Заяўкі на стыпендыю прымаюцца да 1 сакавіка 2010 года.

Каментары