Гродзенскага журналіста затрымалі па дарозе ў Івянец, але потым адпусцілі

8 лютага каля 15.45 непадалёк ад Скідзеля (Гродзенскі раён) міліцыя затрымала журналіста, сябра ГА «БАЖ» Аляксея Салея, які на асабістым аўтамабілі ехаў у Івянец (Валожынскі раён Мінскай вобласці). Па стане на 17.15 яго ўжо вызвалілі.

Пра гэта распавёў прэс-службе ГА «БАЖ» калега Аляксея Андрэй Пачобут, які ехаў разам з ім.

Паводле сп-ра Пачобута, ён асабіста скіроўваўся ў Івянец не як журналіст, а як актывіст не прызнанага ўладамі Саюза палякаў Беларусі. Між тым, сп. Салей ехаў менавіта як фотакарэспандэнт газеты СПБ «Glos znad Niemna na uchodzstwie» — асвятляць канфлікт, які адбываецца вакол Дома польскага ў Івянцы.

Асабіста Андрэя Пачобута не затрымлівалі, і ён працягваў шлях у Івянец аўтастопам.

Каментары