Прадстаўніка БАЖ вырашылі не запрашаць на ток-шоў «Выбар»

На пачатку мінулага тыдня намесніку старшыні ГА «БАЖ», юрысту Андрэю Бастунцу патэлефанавалі з тэлеканала «ОНТ» і запрасілі 8 лютага ўзяць удзел у ток-шоў «Выбар» на тэму рэгулявання нацыянальнага сегменту Інтэрнет. Юрыст даў згоду.

Некалькі дзён таму арганізатары ператэлефанавалі, папрасілі прабачэння і сказалі, што запрашэнне адмяняецца, бо «кіраўніцтва сказала гэтую тэму не чапаць».

Паводле раскладу перадач на сайце «ОНТ», праграма «Выбар» выйдзе сёння ў эфір у 21.05.

Пакуль што прэс-службе БАЖ не ўдалося датэлефанавацца да стваральнікаў ток-шоў, каб удакладніць яго тэму і высветліць, што канкрэтна не ўхваліла кіраўніцтва — нагоду для размовы ці асобу запрошанага госця.

Каментары