Эксперты адзначаюць, што мова, тэрміналогія, пабудова ўказа надзвычай складаныя, і таму змест дакумента патарабуе дадатковай «расшыфроўкі» спецыялістамі. Як жа на сёння зразумелі тэкст дакумента прадстаўнікі інтэрнет-супольнасці, на якія пункты звярнулі ўвагу і якімі занепакоіліся?
«Для ўсіх пастаўшчыкоў інтэрнэт-паслуг у Беларусі ўводзіцца дзяржаўная рэгістрацыя, пералік дакумэнтаў для якой будзе вызначаны пазьней. Паводле гэтага дакумента, уводзіцца дзяржаўная рэгістрацыя інфармацыйных сетак, сістэм і рэсурсаў. Яе цяпер будуць праходзіць правайдэры інтэрнет-паслуг у Міністэрстве сувязі і інфарматызацыі», — Радыё
«Свабода».
«З мэтай гарантавання бяспекі грамадзян і дзяржавы ад 1 ліпеня 2010 году правайдэры павінны будуць ажыццяўляць ідэнтыфікацыю абаненцкіх прыстасаванняў карыстальнікаў інтэрнет-паслуг, весці ўлік і захоўваць дадзеныя пра такія прыстасаванні і інтэрнет-паслугі», — Радыё «Свабода».
«Інфармацыйныя паведамленні, якія распаўсюджваюцца праз беларускі інтэрнет, павінны быць забяспечаныя гіперспасылкамі на першакрыніцу. Усе аб’екты аўтарскага права неабходна размяшчаць у сеткі ў строгай адпаведнасці з заканадаўствам у гэтай галіне», — Радыё «Свабода».
«…Асноўную ролю ў рэгуляванні нацыянальнага сегменту сусветнага Сеціва набывае Аператыўна-аналітычны цэнтр пры Адміністрацыі прэзідэнта. Паводле тэксту ўказа, ААЦ «каардынуе дзейнасць дзяржаўных органаў, пастаўшчыкоў інтэрнет-паслуг па забеспячэнні бяспекі інфармацыі пры выкарыстанні інфармацыйных сетак, сістэм і рэсурсаў нацыянальнага сегмента сеткі Інтэрнет, вызначае па ўзгадненні з прэзідэнтам Рэспублікі Беларусь пералік аператараў электрасувязі, якія маюць права на пропуск міжнароднага трафіка і далучэнне да сетак электрасувязі замежных дзяржаў, сумесна з Міністэрствам сувязі і інфарматызацыі ўсталёўвае парадак абмежавання доступу карыстальнікаў інтэрнэт-паслуг да інфармацыі, забароненай да распаўсюджвання ў адпаведнасці з заканадаўчымі актамі, вызначае парадак рэгістрацыі даменных імёнаў у прасторы нацыянальнага сегмента сеткі Інтэрнет, (…) ажыццяўляе іншыя паўнамоцтвы ў адпаведнасці з гэтым Указам і іншымі заканадаўчымі актамі», — сайт nn.by.
«Пад кантроль ААЦ падпадаюць інтэрнет-правайдэры краіны. «Пералік аператараў электрасувязі, якія маюць правы непасрэднага доступу (далучэння) да міжнародных сетак электрасувязі, а таксама ўпаўнаважаных пастаўшчыкоў паслугаў сеткі Інтэрнет» будзе вызначаць ААЦ «па ўзгадненні з прэзідэнтам Рэспублікі Беларусь.
Дзейнасць правайдэра можа быць спыненая згодна з пастановай Савета Міністраў. У сферу ўплыву аператыўна-аналітычнага цэнтра таксама патрапіць забарона на доступ да інфармацыі, незаконнай паводле беларускага заканадаўства. І рэгістрацыя даменных імёнаў.by таксама будзе падкантрольная ААЦ», — «Хартыя-97».
«Сапраўдную трывогу выклікае пункт 11 указа: «Пры выяўленні грубых парушэнняў заканадаўства, паўторных парушэнняў іншых патрабаванняў гэтага Указа, іншых актаў заканадаўства ў сферы выкарыстання нацыянальнага сегмента сеткі Інтэрнет на працягу шасці месяцаў пасля вынясення загада аб ліквідацыі выяўленых парушэнняў аказанне інтэрнет-паслугаў юрыдычнай асобе ці індывідуальнаму прадпрымальніку, які дапусціў такія парушэнні, можа быць прыпыненае пастаўшчыком інтэрнэт-паслугаў, што аказвае яму такія паслугі, на запатрабаванне органаў, пазначаных у частцы першай гэтага пункта…
Пастаўшчык інтэрнет-паслугаў абавязаны выканаць патрабаванне аб прыпыненні аказання інтэрнэт-паслугаў на працягу сутак з моманту яго атрымання і паінфармаваць пра гэта орган, які вынес патрабаванне, на працягу трох дзён з моманту яго атрымання», — «Хартыя-97».
«Указ упершыню рэгламентуе механізм абмежавання доступу да інфармацыі па патрабаванню карыстальніка інтэрнет-паслуг. Напрыклад, па запыце карыстальніка інтэрнет-паслуг пастаўшчык абавязаны абмежаваць доступ абаненцкага прыстасавання гэтаму карыстальніку да інфармацыі, змест якой накіраваны на распаўсюджванне парнаграфічных матэрыялаў, прапаганду гвалту, жорсткасці і іншых дзеянняў, забароненых заканадаўствам «, — Радыё «Свабода».
«Згодна з дакумэнтам, кантроль над рэсурсамі Інтэрнэту ў Беларусі павінен ажыцьцяўляцца ў парадку, устаноўленым Саветам Міністраў па ўзгадненьні са спецыяльнай службай — Апэратыўна-аналітычным цэнтрам пры адміністрацыі Лукашэнкі (ААЦ). Пад кантроль ААЦ трапляюць інтэрнэт-правайдэры краіны. «Пералік апэратараў электрасувязі, якія маюць права непасрэднага доступу (далучэньня) да міжнародных сетак электрасувязі, а таксама упаўнаважаных пастаўшчыкоў паслуг сеткі Інтэрнэт» будзе вызначаць ААЦ «па дамове з прэзыдэнтам Рэспублікі Беларусь», — Радыё «Свабода».
«Адказнасць за змест інфармацыі, якая размяшчаецца ў нацыянальным сегменце сеткі Інтэрнэт, нясуць асобы, якія размясцілі гэтую інфармацыю, а за парушэнне патрабаванняў гэтага Указа, у тым ліку за невыкананне прадпісанняў адпаведнага органа, якія выносяцца ў адпаведнасці з пунктам 11 гэтага Указа, пастаўшчыкі інтэрнэт-паслуг, уласнікі пунктаў калектыўнага карыстання інтэрнэт-паслугамі», — сайт nn.by.
«Нібыта ў мэтах гарантавання бяспекі грамадзян і дзяржавы з 1 ліпеня 2010 г. пастаўшчыкі інтэрнет паслуг павінны будуць ажыццяўляць ідэнтыфікацыю абаненцкіх прылад карыстальнікаў інтэрнэт паслуг, весці ўлік і захоўваць звесткі аб такіх прыладах і аказаных інтэрнет-паслугах. Указ ўпершыню рэгламентуе механізм абмежавання доступу да інфармацыі па патрабаванні карыстальніка інтэрнет-паслуг. Напрыклад, па запыце карыстальніка інтэрнет-паслуг пастаўшчык абавязаны абмежаваць доступ абаненцкай прылады гэтага карыстальніка да інфармацыі, змест якой накіраваны на распаўсюд парнаграфічных матэрыялаў, прапаганду гвалту, жорсткасці і іншых дзеянняў, забароненых заканадаўствам», — сайт nn.by.
