Прэзідэнт Беларусі падпісаў указ аб рэгуляванні Байнету
Указ № 60 «Аб захадах па ўдасканаленні выкарыстання нацыянальнага сегмента сеткі Інтэрнет» падпісаны 1 лютага. Поўны тэкст указа размешчаны на прэзідэнцкім сайце. Указ уступіць у сілу з 1 ліпеня 2010 года.
Уражаннямі ад зместу дакумента дзеляцца кіраўнікі ГА «Беларуская асацыяцыя журналістаў».
Андрэй Бастунец, юрыст, намеснік старшыні ГА «БАЖ»:
«Самае галоўнае — указ падпісаны. Інтрыга наконт таго, будзе гэта зроблена ці не, і наколькі ён будзе адрознівацца ад скандальнага праекту, знятая. Я б разбіў указ па змесце на тры часткі.
Першая — гэта тлумачэнне неабходнасці яго прыняцця для неадукаванай у гэтай сферы аўдыторыі. Напрыклад, ва ўказе гаворыцца пра галоснасць дзейнасці дзяржаўных органаў, пра тое, што павінна быць на іх сайтах і г.д. Але ж гэтыя моманты ўрэгуляваныя іншымі прававымі актамі, у тым ліку законам «Аб інфармацыі, інфарматызацыі і абароне інфармацыі».
Тое ж самае тычыцца і «пасылу» аб абароне аўтарскіх правоў. Беларускі закон «Аб аўтарскім праве і сумежных правах» дае магчымасці іх абараніць, і галоўнай перашкодай тут з’яўляюцца памеры дзяржаўных пошлін на звароты ў суд. Тым не менш, заўважу, што патрабаванне аб гіперспасылках на матэрыялы інфармацыйных агенцтваў ці СМІ можна лічыць абгрунтаваным.
Другая (умоўна) частка ўказу тычыцца камерцыйнай дзейнасці ў інтэрнет-прасторы Беларусі. І тут складваецца ўражанне, што высновы, меркаванні найбуйнейшых гульцоў на полі Інтэрнету засталіся без увагі. З 1 ліпеня камерцыйная дзейнасць з выкарыстаннем Інтэрнету на тэрыторыі РБ мусіць выконвацца суб’ектамі гаспадарання, «легалізаванымі» ў Беларусі, пасля іх рэгістрацыі ў Міністэрстве сувязі і інфарматызацыі. Пры гэтым суб’екты гаспадарання мусяць «забяспечыць пераход на выкарыстанне інфармацыйных сетак, сістэм і рэсурсаў нацыянальнага сегменту сеткі Інтэрнет, размешчаных на тэрыторыі Рэспублікі Беларусь».
Трэцяя частка тычыцца непасрэдна карыстальнікаў інтэрнет-рэсурсаў. У прыватнасці, «пастаўшчыкі інтэрнет-паслуг абавязаныя ажыццяўляць ідэнтыфікацыю абаненцкіх прыладаў пры аказанні інтэрнет-паслуг, улік і захоўванне звестак аб абаненцкіх прыладах, а таксама звестак аб аказаных інтэрнет-паслугах». Інтэрнет-кавярні павінны забяспечыць улік і захаванне персанальных дадзеных карыстальнікаў інтэрнет-паслуг, а таксама звестак аб інтэрнет-паслугах, аказаных пунктамі калектыўнага карыстання інтэрнет-паслугамі.
У пункце 8 указу гаворыцца, што па запыце карыстальнікаў інтэрнет-паслугаў пастаўшыкі гэтых паслуг могуць абмежаваць доступ да «забароненай» інфармацыі. Аднак з далейшага тэксту вынікае, што гэтае абмежаванне можа ажыццяўляцца і без запыту ці то на падставе дамовы, у якой запыт стане адной з істотных умоваў.
Пры грубым парушэнні правілаў указу па запыце ўпаўнаважаных дзяржаўных органаў інтэрнет-рэсурсы могуць быць заблакаваныя цягам сутак. Як адну з нешматлікіх станоўчых рысаў указа, які абмяркоўваўся напрыканцы мінулага года, я адзначаў размежаванне адказнасці асобаў, якія змясцілі інфармацыю ў Інтэрнеце, і інтэрнет-рэсурсаў.
На жаль, гэты падыход быў перакрэслены. Пакуль з тэкста ўказа не вынікае, што ён тычыцца дзейнасці інфармацыйных рэсурсаў у беларускім сегменце Сеціва (акрамя тых, якія распаўсюджваюць інфармацыю, «забароненую да распаўсюду ў Беларусі».
Але больш упэўнена пра змест указу можна будзе казаць пасля 1 траўня, калі будуць распрацаваныя падзаконныя акты Савета Міністраў, як тое прадугледжана ўказам.»
Жанна Літвіна, старшыня арганізацыі: «Сённяшняй падзеі папярэднічала шырокая дыскусія, што разгарнулася пасля з’яўлення ў прэсе праекта ўказа. Ішла яўная апрацоўка грамадскай свядомасці з боку высокіх дзяржаўных чыноўнікаў. Мы неаднаразова чулі, што ўсё грамадства заклапочана абаронай маральнасці ад пагроз Інтэрнету. Не так даўно
Андрэй Аляксандраў, намеснік старшыні ГА «БАЖ»:
«Указ спасылаецца на дэфініцыі закона „Аб інфармацыі, інфарматызацыі і абароне інфармацыі“ і сам утрымлівае настолькі грувасткія вызначэнні, што пад іх пры жаданні можна падвесці любую інфармацыю, якая размешчана ў Інтэрнеце. Абсалютна зразумела, што дзяржава збіраецца ўсталяваць татальны кантроль над усім, што робіцца ў Сеціве — і над тым, што ў ім размяшчаецца, і над тым, што людзі ў ім знаходзяць і чытаюць. Агульнае ўражанне ад указа — ён дае магчымасць неабмежавана шырокага трактавання яго палажэнняў і пры жаданні прымяняць кропкавыя рэпрэсіі. Напрыклад, ён дазваляе на законных падставах блакаваць доступ для любога інфармацыйнага рэсурса.
З аднаго боку, указ прадугледжвае значнае пашырэнне афіцыйнай інфармацыі ў Сеціве, прычым у тыповым для цяпершаніх уладаў стылі — з персанальнай адказнасцю кіраўнікоў усіх дзяржаўных прадпрыемстваў і ўстановаў. З другога — дае шырокія магчымасці і законныя падставы для задушэння незалежных крыніц інфармацыі. Прычым для гэтага будуць выкарыстаныя
Іншыя каментары і ацэнкі можна знайсці па наступных спасылках:
Власти — Байнету: Дышите… Не дышите… Снова дышите!
«Бамбаваньне» інтэрнэту будзе кропкавае. Але зачэпіць многіх
Байнет отрегулировали указом президента
Лукашэнка падпісаў прыгожа ўпакаваны ўказ аб Інтэрнеце
Байнет за горла возьмуць мякка
Подписан одиозный указ о цензуре Интернета
Байнет заживет по-новому с 1 июля
Лукашэнка падпісаў указ аб Інтэрнеце
Ю.Зісер пра указ аб рэгуляваньні Інтэрнэту ў Беларусі
Сацук: «Указ пра Інтэрнэт тычыцца найперш тэхслужбаў»
Лукашэнка падпісаў указ пра выкарыстанне нацыянальнага сегменту інтэрнэту
Comments
