Працы на конкурс «Вольнае слова – 2009» прымаюцца да 12 лютага ўключна
Паважаныя калегі! Грамадская арганізацыя «Беларуская асацыяцыя журналістаў» працягвае штогадовы творчы конкурс «Вольнае слова». Запрашаем сябраў арганізацыі да ўдзелу.
Конкурс праводзіцца з мэтай удасканалення прафесійнага майстэрства супрацоўнікаў незалежных друкаваных СМІ і
Удзельнічаць у конкурсе маюць права толькі сябры ГА «БАЖ».
На конкурс прымаюцца журналісцкія матэрыялы, апублікаваныя з 1 студзеня 2009 года па 31 снежня 2009 года ўключна. Даслаць творчыя працы неабходна да 12 лютага 2010 года (па паштовым штампе). Вынікі будуць падводзіцца ў
На конкурс прымаюцца не больш за 3 матэрыялы аднаго аўтара.
Намінацыі конкурсу:
1. Найлепшы інфармацыйны матэрыял (рэпартаж, інфармацыйнае паведамленне, інтэрв’ю).
Ацэньваецца:
- арыгінальнасць інфармацыі (інфармацыйны факт, інфармацыйная нагода);
- адпаведнасць прынцыпам падачы навін;
- арыгінальнасць загалоўка, лід;
- спосабы дасягнення эфекту прысутнасці (для рэпартажу);
- аўтарскі стыль.
2. Найлепшая аналітычная публікацыя (артыкул дыскусійнага, аналітычнага, тлумачальнага плану, карэспандэнцыя, рэцэнзія).
Ацэньваецца:
- грамадская значнасць узнятай праблемы;
- адпаведнасць прынцыпам напісання аналітычнага, дыскусійнага тэксту;
- прапорцыі «прысутнасці» меркаванняў аўтара і экспертаў, даказальнасць;
- стыль, спосабы аўтарскай падачы;
- «прывязка» да мясцовых праблем;
- адпаведнасць прынцыпам пабудовы аналітычнага тэксту.
3. Найлепшая публікацыя
Ацэньваецца:
- выбар тэмы;
- пераканальнасць, даказальнасць, ступень аўтарскай аргументацыі;
- аўтарскі стыль.
4. Журналісцкае расследаванне
Ацэньваецца:
- выбар тэмы; грамадская значнасць узнятай праблемы
- пераканальнасць, даказальнасць, ступень аўтарскай аргументацыі;
- аўтарскі стыль.
Вынікі творчага конкурсу ў пералічаных намінацыях шляхам тайнага галасавання падвядзе журы ў складзе 8 чалавек з ліку вядомых беларускіх журналістаў і публіцыстаў. Работы ўдзельнікаў конкурсу будуць ацэньвацца чальцамі журы па пяцібальнай сістэме.
Пераможцам будзе прызнаны аўтар, які набярэ найбольшую суму балаў. У выпадку, калі ў двух ці больш прэтэндэнтаў апынецца аднолькавая колькасць балаў, «лепшага з лепшых» вызначыць паўторнае тайнае галасаванне.
У кожнай з чатырох вышэйпералічаных намінацый прапаноўваецца ўручэнне трох грашовых прэмій (1 месца — 300 000 рублёў, 2 месца — 200 000 рублёў, 3 месца — 100 000 рублёў) і ганаровых дыпломаў БАЖ.
5. Намінацыя «Дэбют» — для маладых і пачынаючых журналістаў, стаж працы якіх (альбо супрацоўніцтва з рэдакцыяй) не перавышае трох гадоў.
Пераможцу намінацыі «Дэбют» уручаецца заахвочвальная прэмія і ганаровы дыплом БАЖ.
Усе конкурсныя матэрыялы будуць выстаўляцца на сайце арганізацыі. У будучым прадугледжваецца іх публікацыя ў нашым карпаратыўным часопісе «АБАЖУР», які рассылаецца ў незалежныя і дзяржаўныя медыя.
Патрабаванні да афармлення конкурсных матэрыялаў
На конкурс прымаюцца выразкі публікацый (альбо іх якасна зробленыя копіі), завераныя рэдакцыйнай пячаткай і подпісам кіраўніка рэдакцыі.
Абавязкова трэба:
- прыкласці электронны варыянт матэрыялу (у фармаце.doc (MS Word)) і падаць наўпроставы лінк на яго ў Сеціве (калі гаворка ідзе пра
інтэрнет-публікацыю ), - указаць дату выхаду публікацыі (на кожным артыкуле),
- кароткія звесткі (у электронным выглядзе, не больш за адзін аркуш фармату А4) пра свой творчы шлях (што палічыце патрэбным).
Пазначце таксама вашы кантактныя дадзеныя: нумар тэлефона, электронны адрас.
Увага! НЕ прымаюцца да ўдзелу ў конкурсе лісты, у якіх не выкананыя ўсе вышэйпералічаныя патрабаванні.
Паважаныя сябры, свае публікацыі вы можаце перадаць у офіс ГА «БАЖ» асабіста ці даслаць па пошце заказным лістом з пазнакай на канверце «Конкурс». Наш адрас: 220030, г. Мінск, пл. Свабоды, 17 — 304.
Жадаем творчага поспеху!
Умовы конкурсу зацверджаны Праўленнем ГА «Беларуская асацыяцыя журналістаў» 10.04. 2007 г. Змяненні ва ўмовах конкурсу зацверджаныя Праўленнем ГА «Беларуская асацыяцыя журналістаў»
БАЖ запрашае журналістаў да ўдзелу ў творчым конкурсе «Вольнае слова – 2009»
Вынікі «Вольнага слова-2008» будуць вядомыя ў сакавіку
Працы на конкурс «Вольнае слова – 2008» прымаюцца да 15 студзеня
Вынікі «Вольнага слова-2008» будуць вядомыя ў сакавіку
Журы назвала пераможцаў конкурсу «Вольнае слова-2008»
(АБНОЎЛЕНА: ДАДАЛІСЯ ТЭКСТЫ)
БАЖ уганараваў пераможцаў журналісцкіх конкурсаў (ФОТА)
БАЖ распачынае творчы конкурс «Вольнае слова»
Журы конкурсу «Вольнае слова» знаёміцца з працамі канкурсантаў
Конкурс «Вольнае слова» — вынікі першага этапу
БАЖ запрашае журналістаў да ўдзелу ў 2-ім этапе творчага конкурсу «Вольнае слова»
Творчыя працы на конкурс «Вольнае слова» прымаюцца да 15 студзеня ўключна
