Чарговая адмова ў распаўсюдзе

РУП «Белпошта» лічыць «немэтазгодным» уключаць у падпісны каталог на 1-е паўгоддзе 2010 года недзяржаўныя рэгіянальныя выданні «Газета Слонімская» і «Отдушина».

«Паколькі абавязак па ўключэнні друкаванага выдання ў каталог не прадугледжваецца заканадаўствам, выбар друкаваных выданняў для фармавання каталога з мэтай далейшага іх распаўсюду праз падпіску з’яўляецца правам РУП «Белпошта», якое рэалізуецца ім у адпаведнасці з заканадаўствам,» - традыцыйна даводзіць гендырэктар паштовага прадпрыемства-манапаліста Юрый Комар у лісце ад 26 лістапада.

З просьбай вярнуць газеты ў распаўсюд праз падпіску галоўны рэдактар «Газеты Слонімскай» і выдавец «Отдушины» Віктар Валадашчук звярнуўся да Ю. Комара асабіста, калі той 12 лістапада наведваў Слонім.

Нагадаем, «Газета Слонімская», як і шэраг іншых грамадска-палітычных перыядычных выданняў, з пачатку 2006 года пазбаўленая магчымасці трапляць да чытача праз дзяржаўныя сістэмы распаўсюду «Белпошта» і «Саюздрук». Каб выжываць у такіх умовах на рынку, рэдакцыя газеты была вымушана наладзіць уласную сістэму распаўсюду.

«Отдушины» для недзяржаўнай прэсы пакуль не відаць

Каментары