Паездка для беларускіх журналістаў у Прагу
17 лістапада споўніцца 20 гадоў з таго моманту, калі з гвалтоўнага разгону студэнцкай дэманстрацыі ў Празе пачалася «аксамітная» рэвалюцыя і падзенне камунізму ў тагачаснай Чэхаславаччыне.
З гэтай нагоды міжнароднае аб’яднанне «Грамадзянская Беларусь» запрашае ў Прагу двух беларускіх журналістаў. На працягу пяці дзён (прыкладна 13 — 18 лістапада 2009 г.) яны будуць мець магчымасць рыхтаваць журналісцкія матэрыялы (рэпартажы, апытанні, інтэрв’ю, фотаздымкі) пра тое, як у горадзе праходзіць святкаванне, а таксама як ацэньваюцца тыя палітычныя змены, што адбыліся за дваццаць гадоў.
Арганізатары парэкамендуюць журналістам канцэрты, грамадскія сустрэчы, дыскусіі і выставы, звязаныя з гэтай датай, дапамогуць арганізаваць інтэрв’ю са сведкамі і ўдзельнікамі зменаў 1989 года і наступных гадоў (гісторыкамі, журналістамі, цяперашнімі студэнтамі, актывістамі і г.д.)
Арганізатары бяруць на сябе ўсе грашовыя выдаткі на дарогу і пражыванне, акажуць дапамогу ў афармленні візаў, забяспечаць перакладчыкам (веданне англійскай мовы вітаецца, але не з’яўляецца абавязковым патрабаваннем).
Увага! Умовай для кампенсацыі выдаткаў з’яўляецца публікацыя матэрыялаў.
Удзельнікі паездкі будуць абраныя на падставе матывацыйнага ліста і прадстаўленых узораў працаў.
У матывацыйным лісце (максімальным памерам — адна старонка А4) назавіце:
— якія тыпы рэпартажаў ці інтэрв’ю вы б хацелі зрабіць у Чэшскай Рэспубліцы (яны могуць тычыцца і актуальных пытанняў (Лісабонская дамова), і гісторыі);
— з якімі людзьмі хацелі б сустрэцца;
— колькі артыкулаў зможаце апублікаваць у сваёй газеце (колькі рэпартажаў на радыёстанцыі).
— Абавязкова назавіце СМІ, у якім працуеце і ў якім будуць апублікаваныя матэрыялы. Далучыце ўзоры сваіх працаў (артыкулы online і да т.п.).
Матывацыйны лісты трэба даслаць не пазней за 18 кастрычніка на адрас info@civicbelarus.eu. На гэты ж адрас звяртайцеся ў выпадку ўзнікнення пытанняў.
