Самарэгуляванне ў Байнеце

«Круглы стол» на тэму «Самарэгуляванне ў Байнеце» праходзіць сёння ў Мінскім міжнародным адукацыйным цэнтры (IBB). Сустрэча адбываецца ў межах кампаніі «Чысты Байнет», ініцыяванай ГА «Беларуская асацыяцыя журналіста­ў­» і грамадска-культурнай кампаніяй «Будзьма!»

У працы «кругла­га стала» бяруць удзел прадстаўнікі некалькіх дзесяткаў інтэрнет-рэсурсаў Беларусі (як дзяржаўных, так і недзяржаўных), супрацоўнікі Міністэрства інфармацыі, мінскага офіса АБСЕ, юрысты.

Сярод тэм, якія будуць абмяркоўвацца на сустрэчы: «Адказнасць інтэрнет-бізнеса за чысціню Байнета» (Юрый Зісер), «Аўтарскае права ў Інтэрнеце» (Сяргей Зікрацкі­); «Профі ў Байнеце. Праблемы выкарыстання кантэнту» (Аляксандр Класкоўскі), «Благасфера як квазімедыйная форма (асаблівасці этычных правілаў карыстання інфармацыяй у блогах)»(Паўлюк Быкоўскі), «Распрацоўка »ўнутрыкарпаратыўнага« пагаднення, якое паспрыяла б захаванню этычных норм» (Юрась Сідун), «Рэгуляванне, самарэгуляванне ці адсутнасць усялякага рэгулявання? Тры магчымыя шляхі існавання Інтэрнету» (Андрэй Бастунец).

Больш падрабязны матэрыял на гэтую тэму з’явіцца на нашым сайце пазней.

Каментары