Фільм пра беларускіх журналістаў сабраў поўную залу ў Амстэрдаме

­На Міжнародным кінафестывалі IDFA ў сталіцы Нідэрландаў пры аншлагу адбыўся паказ дакументальнага фільма «Журналісты» беларускага рэжысёра Алега Дашкевіча. Стужка распавядае пра жыццё і працу беларускіх журналістаў у сённяшніх умовах.

«Сваім фільмам я паспрабаваў паказаць рэаліі сённяшняй журналісцкай працы ў нашай краіне, — распавёў прэс-службе ГА «БАЖ» Алег Дашкевіч. — Некалькі герояў — сярод якіх Святлана Калінкіна, Таццяна Снітко, Павел Шарамет, Славамір Адамовіч ды іншыя — распавядаюць пра праблемы, з якімі сутыкаюцца журналісты штодня, пра небяспеку, якую ўяўляе сабой журналісцкая праца ў Беларусі. Гэта і праблема заробкаў, і мачымасць апынуцца ў судзе за свае публікацыі ці сюжэты, і складанасці з атрыманнем інфармацыі, і пагроза згубіць працу (бо шмат якія незалежныя выданні закрываюцца, а новыя не ўзнікаюць), і шмат што яшчэ».

Паводле Алега Дашкевіча, ён спрабаваў распавесці і пра журналістаў, якія працуюць у дзяржаўных беларускіх СМІ. «Я вельмі хацеў, каб у фільме быў прадстаўлены і іншы бок, але мае спробы дамовіцца з прадстаўнікамі афіцыйнай прэсы не далі плёну», — распавёў рэжысёр.

Алегу Дашкевічу ўжо паведамілі, што арганізацыя «Amnеsty International» уключыла яго фільм у праграму свайго штогадовага конкурсу.

Фильм Олега Дашкевича на фестивале в Амстердаме 

Беларускае дакумэнтальнае кіно - у Амстэрдаме 

Каментары