БАЖ запрашае журналістаў да ўдзелу ў 2-ім этапе творчага конкурсу «Вольнае слова»
Паважаныя калегі! Грамадская арганізацыя «Беларуская асацыяцыя журналістаў» працягвае штогадовы творчы конкурс «Вольнае слова». Запрашаем Вас прыняць удзел у другім этапе творчага спаборніцтва.
Конкурс праводзіцца з мэтай удасканалення прафесійнага майстэрства супрацоўнікаў незалежных друкаваных СМІ і
Прымаць удзел у конкурсе маюць права сябры Грамадскага аб’яднання «Беларуская асацыяцыя журналістаў».
Конкурс праводзіцца ў два этапы.
На другім этапе прымаюцца журналісцкія матэрыялы, апублікаваныя з 1 ліпеня да 31 снежня 2007 года ўключна. Даслаць творчыя працы неабходна да 15 студзеня 2008 года. Пра вынікі будзе абвешчана ў лютым 2008 года.
Нагадаем, на першым этапе прымаліся матэрыялы, якія былі апублікаваныя з 1 студзеня па 30 чэрвеня 2007 года і дасланыя на конкурс да 15 ліпеня. Імёны пераможцаў першага этапу конкурсу журы агучыла ў верасні.
Намінацыі конкурсу:
1. Найлепшы інфармацыйны матэрыял (рэпартаж, інфармацыйнае паведамленне — не больш за 3 працы аднаго аўтара).
Ацэньваецца:
— арыгінальнасць інфармацыі (інфармацыйны факт, інфармацыйная нагода);
— мясцовая навіна;
— адпаведнасць прынцыпам падачы навін;
— арыгінальнасць загалоўка, лід;
— спосабы дасягнення эфекту прысутнасці (для рэпартажу);
— аўтарскі стыль.
2. Лепшая аналітычная публікацыя (артыкул дыскусійнага, аналітычнага, інфармуючага, тлумачальнага плану — не больш за 3 працы аднаго аўтара).
Ацэньваецца:
— інфармацыйная нагода, грамадская значнасць узнятай праблемы;
— адпаведнасць прынцыпам напісання аналітычнага, дыскусійнага тэксту;
— прапорцыі «прысутнасці» меркаванняў аўтара і экспертаў, даказальнасць;
— стыль, спосабы аўтарскай падачы;
— «прывязка» да мясцовых праблем;
— адпаведнасць прынцыпам пабудовы інфармуючага, тлумачальнага тэксту;
— графічнае афармленне матэрыялу (пры інфармацыйнай неабходнасці).
3. Лепшая публікацыя
Ацэньваецца:
— інфармацыйная нагода, выбар праблемы;
— пераканальнасць, даказальнасць, ступень аўтарскай аргументацыі;
— аўтарскі стыль.
Вынікі творчага конкурсу ў пералічаных намінацыях шляхам тайнага галасавання падвядзе журы ў складзе 8 чалавек з ліку вядомых журналістаў і публіцыстаў. Работы ўдзельнікаў конкурсу будуць ацэньвацца чальцамі журы па пяцібальнай сістэме.
Пераможцам будзе прызнаны аўтар, які набярэ найбольшую суму балаў. У выпадку, калі ў двух ці больш прэтэндэнтаў апынецца аднолькавая колькасць балаў, «лепшага з лепшых» вызначыць паўторнае тайнае галасаванне.
У кожнай з
4. Намінацыя «Прызнанне калег» засноўваецца для вопытных супрацоўнікаў незалежных СМІ.
Пераможца ў намінацыі «Прызнанне калег» вызначаецца шляхам
5. Намінацыя «Дэбют» — для маладых і пачынаючых журналістаў, стаж працы якіх (альбо супрацоўніцтва з рэдакцыяй) не перавышае трох гадоў.
Пераможцу намінацыі «Дэбют» уручаецца заахвочваючая прэмія і ганаровы дыплом БАЖ.
Усе конкурсныя матэрыялы будуць выстаўляцца на сайце арганізацыі для публічнага абмеркавання. У будучым прадугледжваецца іх публікацыя ў нашым карпаратыўным часопісе «АБАЖУР», які рассылаецца ва ўсе незалежныя і дзяржаўныя газеты, прыватныя тэлестудыі і дзяржаўныя абласныя тэлерадыёкампаніі.
Патрабаванні да конкурсных матэрыялаў:
На конкурс прымаюцца выразкі публікацый (альбо іх якасна зробленыя копіі), завераныя рэдакцыйнай пячаткай і подпісам. Абавязкова прыкладаюцца электроны варыянт матэрыялу, указваецца дата выхаду публікацыі (на кожным артыкуле). Да ўсяго прыкладзіце кароткія звесткі (не больш за адзін аркуш фармату
Увага! НЕ прымаюцца да ўдзелу ў конкурсе лісты, у якіх не выкананыя ўсё вышэйпералічаныя патрабаванні.
Паважаныя сябры, свае публікацыі вы можаце перадаць у офіс БАЖ асабіста ці выслаць па пошце заказным лістом з пазнакай на канверце «Конкурс».
Наш адрас: 220030, г. Мінск, пл. Свабоды, 17 — 304.
Жадаем творчага поспеху!
Умовы конкурсу зацверджаны Праўленнем ГА «Беларуская асацыяцыя журналістаў» 10 красавіка 2007 года
