«Наша культура» - новы недзяржаўны штотыднёвік

Пабачыў свет першы нумар недзяржаўнай газеты «Наша культура» — новага штотыднёвага выдання камісій па культуры грамадскага аб’яднання БНФ «Адраджэньне» і «Моладзі БНФ» (моладзевае крыло Партыі БНФ). 

«Наша культура» будзе асвятляць падзеі ў культурніцкім жыцці, — паведаміла агенцтва БелаПАН са спасылкай на прэс-групу «Моладзі БНФ». Паводле галоўнага рэдактара «Нашай культуры» Адама Птушкі, выданне таксама плануе шмат увагі надаваць гістарычнай тэматыцы. 

У першым нумары «Нашай культуры» — агляд апошніх мерапрыемстваў, якія ладзіліся ў офісе Партыі БНФ, разважанні Сержука Сокалава-Воюша пра прыроду «трасянкі» і яе ўжыванне ў творчасці беларускіх музыкаў, а таксама артыкул, прысвечаны гадавіне з дня нараджэння літаратара-рэвалюцыянера Сяргея Палуяна.

Comments